కంటి పరీక్ష పత్రము

       దృష్టి తీక్షణత పరీక్షించటానికి ఉపయోగించే పత్రం. దీనిని మనిషి దూర చూపు లోపాలు తెలుసుకోవటం కోసం కంటి వైద్యులు ఉపయోగిస్తారు. ఈ పత్రంలో అక్షరాలు లేదా అంకెలు లేదా చిహ్నాలు అనేక వరుసలు, పరిమాణాలలో ఉంటాయి. ఒక్కో వరుస ఒక్కో పరిమాణంలో ఉంటుంది. పత్రం కిందికి వెళ్ళేకొద్ది అక్షర పరిమాణం తగ్గుతుంది. ప్రపంచంలో ఎక్కువగా వాడే పత్రం - స్నెల్లెన్ పత్రము. హెర్మన్ స్నెల్లెన్ అనే నెథెర్లాండుకి  చెందిన కంటి వైద్యుడు 1892 లో రూపుదిద్దాడు.
  



(ఈ చిత్రం వికీపీడియా నుండి సేకరించబడినది)

 

        మనం స్నెల్లెన్ పత్రంలో, 20/20 అని సూచించబడిన వరుస తీసుకుంటే, లవములో ఉన్న అంకె మనిషి దూరాన్ని సూచిస్తుంది. అది ఎప్పుడూ 20నే ఉంటుంది. అంటే,  పరీక్షించబడే మనిషి ఎప్పుడూ 20 అడుగుల దూరంలో ఉండాలి.  హారంలో ఉన్న అంకె ఎంత దూరం నుండి ఆ వరుస చక్కగా కనిపిస్తుందో  సూచిస్తుంది. అంటే, ఈ వరుస 20 అడుగుల నుండి చక్కగా కనిపించాలి.  20/200 చూపు తీక్షణత ఉన్న మనిషి ఆమెరికా చట్టరిత్యా అంధుడిగా పరిగణించబడతాడు.